మీ పేరుతో ఎన్ని ఫోన్ నంబర్లు ఉన్నాయో తెలుసుకోవచ్చు.. చాలా సింపుల్, వివరాలివే. ఒకరి పేరు మీద అత్యధికంగా 9 నంబర్లు ఉండేందుకు వీలుంది అని విజయవాడ టెలికం శాఖ డిప్యూటీ డైరెక్టర్‌ జనరల్‌ రాబర్ట్‌ రవి తెలిపారు. కొందరి పేర్ల మీద అంతకంటే ఎక్కువ నంబర్లు ఉన్నాయని తమ దృష్టికి వచ్చిందన్నారు.
మీ పేరుతో ఎన్ని ఫోన్ నంబర్లు ఉన్నాయో ఇలా తెలుసుకోవచ్చు -TAFCOP - DGTELECOM GOV IN
ప్రధానాంశాలు:
- కొత్త వెబ్‌సైట్ ప్రారంభించిన టెలికం
- అందులో ఫోన్ నంబర్స్ చెక్ చేయొచ్చు
- అవసరం లేని నంబర్లు తీసేయొచ్చు
సాధారణంగా ఒకరి పేరు మీద ఎన్ని ఫోన్ నంబర్లు ఉంటాయి.. ఒకటి, రెండు.. లేదంటే ఓ నాలుగు. ఒకవేళ మనకు తెలియకుండానే మన పేరు మీద నంబర్లు ఉంటే. మీకు ఆ అనుమానం వచ్చిందా.. అయితే ఇలా చేస్తే మీ పేరు మీద ఎన్ని ఫోన్ నంబర్లు ఉన్నాయో తెలుసుకోవచ్చు అంటున్నారు టెలికంశాఖ అధికారులు. దీనికి సంబంధించిన వెబ్‌సైట్‌ను విజయవాడ టెలికాం విభాగం(డీవోటీ) రూపొందించింది, ప్రారంభించింది. ఆ వివరాలు ఇలా ఉన్నాయి.
ఎవరైనా నంబర్ల గురించి చెక్ చేసుకోవాలనుకుంటే.. వెంటనే http://tafcop.dgtelecom.gov.in అనే వెబ్‌సైట్‌లో మొబైల్‌ నంబరు, దానికి వచ్చే ఓటీపీ నమోదు చేయగానే మన పేరు మీద ఉన్న ఫోన్ నంబర్ల వివరాలన్నీ వస్తాయి. వాటిలో మనకు అవసరం లేనివి, మనకు తెలియకుండా మన పేరుమీద ఉన్న వాటిని సెలక్ట్‌ చేసి సబ్మిట్‌ చేస్తే.. టెలికం శాఖ చర్యలు తీసుకుంటుంది.
ఒకరి పేరు మీద అత్యధికంగా 9 నంబర్లు ఉండేందుకు వీలుంది అని విజయవాడ టెలికం శాఖ డిప్యూటీ డైరెక్టర్‌ జనరల్‌ రాబర్ట్‌ రవి తెలిపారు. కొందరి పేర్ల మీద అంతకంటే ఎక్కువ నంబర్లు ఉన్నాయని తమ దృష్టికి వచ్చిందని.. ఈ పరిస్థితిని చక్కదిద్దేందుకు ఈ పోర్టల్‌ను ప్రారంభించామన్నారు. దీనివల్ల అనధికారికంగా వినియోగిస్తున్న నంబర్లకు చెక్ పెట్టొచ్చన్నారు. ముందుగా తెలుగు రాష్ట్రాల టెలికం సర్కిళ్లలో ఈ సదుపాయాన్ని ప్రారంభించామని.. త్వరలో దేశ వ్యాప్తంగా అందుబాటులోనికి వస్తుందన్నారు. ఎవరికైనా అనుమానం వెంటనే ఇలా చెక్ చేసుకోవచ్చంటున్నారు.
Click Here to Check Number of Mobile Numbers on Your Name